الغربة والسندباد
شعر عامي
مصطفى الشيمي
لوحة للمدهش سلفادور دالي
أنا سندباد
والغربة مش
أنك تتوه جوا البلاد
الغربة لمَّا تضيع جواك
الغربة يعني أن الليالي
تلبس الأسود
على روحك حداد
والعتمة تبقى عدوتك
والعتمة نار لو تنهشك
متسبش من لحمك
سوى
حبة رماد
عايز تسافر ويّا مني
ولا أنت مش حمل البعاد ؟
هتسيب همومك للوطن
ولا هتشلها معاك ؟
لو شلتها ..لو شلتها
البحر مش هيسيع لها
وأنا مركبي مركب ورق
وشراع خيالي من ورق
طب ليه بقا يا ابن الحلال
تحكم علينا بالغرق !
كلنا ذلك السندباد
ردحذفنجول ونبحر في انفسنا نتمنى ان نعرف هويتها لكننا دوما نتوه
تتضارب بنا الطرق فتضيع الاحلام لاننا بداخلنا لا نعرف من نكون
روعة اخي العزيز
ابداع لا مثيل له
نعم يا صديقي
ردحذفكم من المعارك تدوي بداخلنا
وكم نحن ضعفاء فيها ومهزومون .
أنرت المدونة يا أخي
فشكرًا لكَ