هناك من تمشي خطاه على خطاي

الثلاثاء، 31 ديسمبر، 2013

على شط العدم - شعر عامي

على شط العدم

شعر عامي

مصطفى الشيمي


لوحة للرائع Adrian Borda


أنا مش عروسة ماريونت
ولا سيف خشب
في إيدين صبي
يحلم في ساعة مغربية
بالمعارك والصبية
يسرح يضيع جوه الخيال
ده أنا ألف شارع في المحال
سكة سفر
فوق احتمال كل البشر
في احتمال الموت .. قدر


والليل؟
الليل على أبواب المدينة
واقف وماسك سوط ظلام
والبوم؟
البوم على أغصان الشجر
والشمس بتحب القمر
لكن ..
حكمت نواميس الطبيعة بالفراق


عارفة؟
أصل الحكاية من زمان
البحر كان أرض ومكان
والعوم طريق المغلوبين
على أمرهم
والعارفين قادرين
مش معجزة
أما أنتَ..
لا عرفت تغرق زيهم
ما حتى وصلت للمعنى

الخميس، 26 ديسمبر، 2013

رواية "حي" لمصطفى الشيمي عن دار العين للنشر في معرض الكتاب

رواية حي لمصطفى الشيمي

عن دار العين للنشر

غلاف صابرين مهران


متوفرة في معرض القاهرة للكتاب 2014
صفحة رواية حي على موقع الجوودريدز